Ժամանակահատված՝ շուրջտարյա
Մասնակիցներ՝ Միջին դպրոցի սովորողներ
Նպատակը՝ ծանոթություն կարմիր գրքի կենդանիներին՝ և նրանց պաշպանել
Ընթացքը՝ գրել, թե որ կենդանիներն են վերացման եզրին։ Ընտրել այդքանից մեկին և գրել նրա մասին
Իմ ընտրած հինգ տեսակները։
Ամառային բախտակ (Salmo ischchan aestivalis)
Փոքրասիական տրիտոն (Ommatotriton vittatus)
Պարսկական պսևդոցիկլոֆիս (Pseudocyclophis persicus)
Կարմիր ցին (Milvus milvus)
Առաջավորասիական հովազ (Panthera pardus ciscaucasica)
Կարգավիճակը․Գրանցված է նախկին ԽՍՀՄ Կարմիր գրքում: Տեսակի վիճակը գնահատվում է որպես կրիտիկական։ Հովազի այս ենթատեսակի ընդհանուր թվաքանակը գնահատվում է 870-ից 1300 առանձնյակ։ Առաջավորասիական հովազն իր տեսակի ամենախոշորգիշատիչներից մեկն է։ Մարմնի երկարությունը կազմում է 126-ից 171, մինչև 183 սմ, պոչի երկարությունը՝ 94-ից 116 սմ։ Ուսերի բարձրությունը կարող է հասնել 76 սմ-ի, զանգվածը՝ 70 կգ։ Բնակեցնում է Հարավարևմտյան և Հարավային Հայաստանը` «Խոսրովի անտառ» արգելոցի կենտրոնական և արևելյան հատվածներից մինչև հայ–իրանական սահմանը՝ Գեղամա, Զանգեզուրի, Վայոց ձորի, Բարգուշատի և Մեղրու լեռնաշղթաների սահմաններում: Հայաստանում պոպուլյացիայի առավելագույն մեծ թվաքանակը 10–15 առանձնյակ է: Ներկայիս տարածման տարածքը կազմում է 7497,2 քկմ, իսկ բնակեցման տարածքը՝ 2856,8 քկմ: Այն ներառում է մշտական և ժամանակավոր բնակեցման տարածքները և միջանցքներ: Մշտապես բնակվում է միայն «Խոսրովի անտառ» արգելոցում և Նռնաձոր գյուղից դեպի հյուսիս գտնվող տեղամասում: Պոպուլյացիայի նման կառուցվածքի պատճառով այն լիովին կախված է միջանցքների գործառնությունից: Անհետացման եզրին հասնելու պատճառները՝ արեալի մասնատված լինելը, որի հիմնական պատճառը որսագողությունն ու մարդու տնտեսական գործունեությունն է:
Եվա Հարությունյանի Ուսումնական Բլոգ 